Paes leh Hingis an tlang

Leander Paes leh Martina Hingis te ṭangdun chuan nimin khan Matt Reid leh Casey Dellacqua te hnehin Australian Open mixed doubles quarterfinal an lut.

Indo-Swiss pair hian second round inkhelah minute 54 chhung lekin 6-2, 6-3 in hnehna an chang a, set khatna a game linaah an khingpui service chhuhsakin set hnihna ṭantirah an chhuhsak leh bawk a, harsatna tawk loin an chak tlang.

Indian tennis veteran Paes leh Hingis te hian kumin Australian Open hi an khel ṭha tluang hle a, an match hmasa zawkah pawh khawtual player Destanee Aiava leh Marc Polmans te an lo hneh tawh bawk. Second round-ah hian vawi ruk aces siamin unforced errors pawh vawi ruk chiah an nei.