A thlengtu Gabon an tla

Africa Cup of Nations khelh mekah a thlengtu Gabon chu group stage paltlang zo loin an tla. Pierre-Emerick Aubameyang te ram Gabon hian an league round hnuhnung berah Cameroon chu goal awm loin an inhnehtawkpui.

Africa ramte foot­ball hmanga inelna ngaihhlutah Gabon hi a thlengtu ni chunga group stage paltlang zo lo palina chiah an ni. Match thum khelh aṭanga ponint thum hmuin an chungah hian point nga hmu pahnih Burkina Faso leh Cameroon te an awm.

Group A aṭanga quar­­terfinal lut turin Gabon hian point thum hmuh an mamawh a, an chhuanvawr Auba­meyang chuan yard hnih leka hnai aṭangin a hun ṭha neih a hlah a, Denis Bouanga goal khung tur chu an dan sak bawk.

Inkhel dangah Bur­kina Faso chuan Group A hmahruaitu ni turin Guinea-Bissau chu 2-0 in an hneh. A vawi khat nana Africa Cup of Nations khel Bissau hian Gabon laka point khat an hmuh bak an hmuh belh lo a, group mawngphah niin an tla.