East Bengal-in champion lai an hneh
Pathianni zan khan East Bengal chuan Ivan Bukenya leh Robin Singh te goal hmangin I League champion lai Bengaluru FC chu 2-1 an hneh.
Barasat Stadium-ah Blues-in minute 32-naa CK Vineeth-a goal hmangin hma hruai mah se khualmualah champion laiin fiah an zo lo. East Bengal captain Lalrindika Ralte thiamna zar zoin Ivan Bukenya-a'n awlsam takin goal a khung a, Ugandan defender hian tun season-ah goal thum a khung tawh.
Inkhel boruak sangah Bengaluru tlarhnung an talbuai a, Kolkata club forward tlan chak Wedson Anselme ngam lo mah se Haitian forward finishing ṭhat loh vangin an him hram hram.
Minute 79-naah English defender John Johnson-a'n an lamah a tauh let a, substitute Robin Singh-a'n a club hlui lama goal khung nan a hmang. Goal dang luh belh loin chak phu zawk East Bengal 2-1 in an chak.
Zanin dar 7:00 hian match li khelh tawha la chak vek Mohun Bagan chuan Pune-ah DSK Shivajians an tlawh dawn a, match hnih chhung a zawna goal khung tawh Mariners forward Jeje Lalpekhlua'n en bik a hlawh ang. DSK lamah match hnuhnung bera hero the match Jerry Mawihmingthanga a inlan ngei beisei a ni bawk.
I League - Round 5
Zanin Inkhel Tur
7:05 PM DSK Shivajians Vs Mohun Bagan
January 27, Zirtawpni
7:05 PM Churchill Brothers Vs Bengaluru FC
January 28, Inrinni
4:35 PM Shillong Lajong FC Vs Mumbai FC
7:05 PM Chennai City FC Vs Aizawl FC
January 29, Pathianni
4:35 PM Minerva Punjab Vs East Bengal