Davis Cup khel lo tur Murray

World number 1 Andy Murray chu thla thara Britain-in Davis Cup-a Canada an hmachhawn hunah a inlan dawn lo.

Britain team-ah hian Kyle Edmund, Dan Evans, Jamie Murray leh Dominic Inglot te chu koh an ni a, 2015 Davis Cup an champion ṭuma kaihruaitu Leon Smith chu a captain atana ruat nawn a ni.

Kum 29-a upa Mur­ray hian Australian Open khelh mekah Mischa Zverev hneh loin fourth round-ah a tla a, ngai awh leh tura hahchawlh a mamawh avangin ram tan a inlan dawn ta lo. Murray awm loh takah chuan Dan Evans leh Kyle Edmund ten Ottawa-a (February 3) an inkhelh hunah single match an khel ang.

GB captain Leon Smith chuan, "Hun harsa tak hi a paltlang mek a, tun chauh hi a ni lo. Nikum kum tawp lam khan match harsa tak tak a hmachhawn a, seasonṭha tak a khelh leh theih nana ngai awh leh turin hahdam a mamawh a ni," tiin Murray dinhmun a hriatthiampui thu a sawi.