I League khel tur Aizawl FC hmeichhe team

Nimin khan Women's I League khel tur Aizawl FC hmeichhe team, player 22 leh coaching staff pali te chuan Aizawl chhuahsanin Delhi an pan.

All India Football Federation chuan Indian football chanchina a vawi khat nan Women's League hi an buatsaih a, he inelnaah hian team paruk telin champion an inchuh dawn a ni.

Women's league-a intum tur zawnna draw hi naktukah neih chauh tur a la ni a, January 28-ah league match hmasa ber khelh niin February 14-ah match hnuhnung ber khelh a ni ang.

Aizawl FC Under 16 team pawhin I League final round khel turin nimin tlai khan Aizawl an chhuahsan a, inelna hi Mumbai-a khelh tur a ni. Mizo club hi Rest of India Zone-ah pahnihna niin final round an lut a, match hmasa ber hi Cooperage Ground-ah January 31, Thawhlehniah khelh tur a ni.

AFC U16 hi head of youth development Jahar Das, coach H.Lalnunzira leh assistant coach Tochhawng Ruata ten an ho a, squad-ah hian player 19 an awm a ni.