Cavaliers an chak lo

NBA champion lai Cleveland Cavaliers chuan nimin zing khan New Orleans Pelicans an lenchilh a, LeBron James-a khelhna Cavs hi 124-122 in an chak lo. Regular season kal mekah Cleveland hian vawi 43 an khelhna a ni a, vawi 13 an chak lohna niin ṭum 30 dang chu hnehna an chang thung.

Smoothie King Center-a inkhelah Cleve­land tan hian Kyrie Irving chuan court chhungah hun hmang rei berin minute 41 a inlan a, point 49 zet a score bawk - NBA Final MVP James chuan point 26 score-in a thlawp ṭha bawk.

Mahse, New Orleans Pelicans lam an ṭang­rualin an thawhhona a ṭha hle - Terrence Jobes (36 points), Jrue Holiday (33), Donatas Motiejunas (14) bakah Langston Gallowy (12) te an chet-ṭhat rual avangin Cavs lakah an dingchang. Pelicans hian match 18 hnehna an channa ni chiahin vawi 27 an chak lo tawh.

Cavs hian Ningani zing dar 5:30-ah Sacra­mento Kings an hma­chhawn leh ang a, dar 6:30-ah Pelicans hian Oklahoma City Thunder an lo mikhual ve thung ang.