Inbuatsaihna ṭhat loh vang - Aubameyang

Gabon captain Pierre-Emerick Aubameyang chuan an ramin an thlen mek Africa Cup of Nations aṭanga an tlak hma chhan chu inbuat­saihna an neih ṭhat tawk loh vang niin a sawi.

Gabon hi Group A-ah awmin Cameroon chu goal awm loin an inhnehtawkpui a, Guinea-Bissau leh Burkina Faso te chu 1-1 in an draw ve ve bawk. Inkhel pahniha Gabon goal pahnihte hi forward Aubameyang khung an ni.

Gabon hian coach Jorge Costa banin Decem­ber thla khan a thlak nan Jose Antonio Camacho an lalut chiah a, an coach thar hnuaiah hian beisei angin an khel chhuak thei rih lo.

Borussia Dortmund star Aubameyang chuan, "Kan group a awm ve ram dangte nen khaikhin kha chuan kan team kha kan ṭha fal hlein ka hria. Quarterfinal kan luh loh chhan bulpui ber chu inbuatsaihna kan neih ṭhat loh vang a ni a, hun a tlem bakah coach thar hnuaiah kan kheh dan kan bel hman lo," tiin a sawi.

Bundesliga lama hmatawng hlauhawm ber pakhat Aubameyang hian an tlak chhanah player te chu mawhpuh tur ni mah se a naute chuan an theihna zawng zawng an hlan avangin dem theih an nih loh thu a sawi tel bawk.