Raducanu khel tluan thei lo

Emma Raducanu tan ni ṭha leh duhawm a la chhuak leh thei rih lo. Season hmasa US Open champion hian Grand Slam title a lak hnuah tournament hrang hrang khel leh tawh mah se, hlawhtlinna a la chang thei lo a ni.

Brirish tleirawl hi clay court inelna Italian Open-ah a inlan. Thawhlehni zan khan Bianca Andreescu nen first round an khel, 6-2, 2-1 in a hnufual a, a hnungzâng na vangin a khel chhunzawm thei tawh lo.

Kum 19 mi Raducanu chuan, "Ka dinhmun hi hriatthiam a harsa, chanchin lawmawm lo lam zel a ni. Harsa mah se theihtawp ka chhuah luih a, a tawpah chuan ka tlin ta ngang lo," tiin a sawi.

Clay court inelna lian French Open chu May 22 aṭangin Paris khawpuiah khelh a ni dawn. Grand Slam vawi khat champion tawh Raducanu hi Roland Garros atan a dinhmun a chiang lo mek.