Barca chak zanah Araujo an phur chhuak!

La Liga-ah Real Madrid an champion chiang tawh a, Barcelona-in Champions League an khel dawn tih a chiang tawh bawk.

Mahse, Barca-in heti chung hian Celta Vigo lakah chak loh an duh lo a, 3-1 in hnehna an chang - mahse, Barca chak zanah defender Ronald Araujo chu damdawi in panpui ngaiin a awm.

Kum 23 mi defender hi Barca tana a khelhpui Gavi nen ball tauh an tumna lamah an intauh fuh palh a, ambulance hmangin hospital panpui zui a ni - he thu buatsaih lai hian zia lam a pan tawh.

Barcelona manager Xavi chuan, "Doctor-te chuan ni khua a hriat tawh thu min hrilh. Damdawi inah a riak dawn a, mahse, a dinhmun erawh a ṭha tawh," a ti a, damdawi ina a riah chu invenna chauh a nih thu Doctor-in a hrilh niin a sawi.

Araujo chetsual zanah Catalan club tan Pierre-Emerick Aubameyang chuan goal hnih a khung a, Memphis Depay chuan goal khat a thawh bawk.

Celta tan Iago Aspas chuan goal khat khung ve mah se awmzia a nei phak lo a, minute 58-naah centre back Jeison Murillo chu hnawhchhuah a ni bawk a, Celta an mualpho.

May 10, Thawhlehni Zan
Valencia 0 - 3 Real Betis
REB: Willian José 57'; Sergio Canales 87'; Borja Iglesias 90'
Granada 1 - 0 Athletic Bilbao
GRA: Álex Collado 35'
Barcelona 3 - 1 Celta Vigo
BAR: Memphis Depay 30'; Pierre-Emerick Aubameyang 41', 48'
CEL: Iago Aspas 50'

Nizan Inkhel (Result kan hre hman lo)
Alaves 10:30 PM Espanyol
Osasuna 10:30 PM Getafe
Sevilla 12:00 AM Mallorca
Elche 01:00 AM Atletico Madrid

May 12, Ningani Zan
Real Sociedad 10:30 PM Cadiz
Rayo Vallecano 11:30 PM Villarreal
Real Madrid 01:00 AM Levante