Kanan leh Bungkawn an chak nuamsa

Tualchhung volleyball inelna lian - Zothan Autoworks Pro Volleyball League-ah hmeichhe lamin tournament bul an ṭan a, champion lai Durtlang chu 3-0 a hnehin inelna bul an ṭan fuh hle.

R. Dengṭhuama Indoor Stadium, Mualpuia inkhelah Kanan hian 25-21, 28-26, 25-14 in hnehna an chang. Kanan tan India senior team zinga koh tawh Vardingliani'n point 25 thawk chhuakin D3 Business Player of the Match atan thlan a ni.

PVL neih hnuhnung ber khan Durtlang hi an champion, hlawhtlinna an chan ṭuma an president R. Lalnunsanga chu an champion kum hian a boral zui. President hran la nei loin tun ṭumah hian inelna an hmachhawn, an boruak nung tak ang kha an nei phak rih lo.

Thawhlehni zan inkhelah, inlena hnuhnung bera finalist Bungkawn chuan 25-11, 25-12, 25-23-in Bethlehem Vengthlang an hneh. Bungkawn hian an match lehpekah chuan inelna hnuhnung zawk an ngam loh Durtlang an hmachhawn leh ang.

PV Thlirna Tawi
Mipa
Zanin Inkhel Tur
Tuichangral 08:00 PM TNT

Hmeichhia
May 10, Thawhlehni
Kanan 3 - 0 Durtlang
(25-21, 28-26, 25-14)
D3 Business Player of the Match: Vardingliani, Kanan
Bungkawn 3 - 0 Bethlehem
Vengthlang
(25-11, 25-12, 25-23)
D3 Business Player of the Night: F. Lalparmawii, Bungkawn

May 13, Zirtawpni
Kanan 03:00 PM Bethlehem
Vengthlang
Durtlang 08:00 PM Bungkawn