Atletico tan chak a ṭul

Atletico Madrid-in zanin dar 1:30 hian Champions League-ah Lokomotiv Moscow an mikhual dawn. Spanish club hi group B-ah pahnihnaah awm mah se point li chauh an hmuh avangin Russian club aiin point hnih chauhin an hmu tam.

Diego Simeone hote tan knockout stage lut turin chak ngei a ṭul a, chumi tur chuan theihna an nei bawk. La Liga-ah Atletico hian hneh loh an la tawng lo a, match riatah point 20 an hmu - khelh tlem vang chauha hmahruaitu ni lo an ni.

Spanish club hian Covid-19 positive vangin Luis Suarez an chhawr thei dawn lo a, amaherawhchu Uruguayan striker tel lo hian kartawp khan Barcelona an hneh.

Atletico hian tun season Champions League match hmasa berah Bayern Munich hneh lo mah se hei bak hi tun hnaiah hneh loh an tawng lo. La Liga-ah phei chuan Simeone hote hian match 24 chhung hneh loh an tawng tawh lo a, sawi nep theih an ni lo.