Dortmund-in Aubameyang hralh an phal

Borussia Dortmund chief exe­cutive Hans-Joachim Watzke chuan an striker chhuanvawr Pierre-Emerick Aubameyang chu pound maktaduai 68 bawr vela lei duh an awm a nih phawt chuan hralh mai a pawi tih loh thu a sawi chhuak.

Africa Cup of Nations-a Gabon a tlakpui hnua Dortmund pan tura inbuatsaih mek Aubameyang hi Liverpool, Manchester City, Barcelona, Bayern Munich leh Real Madrid te nen sawizawm mek a ni a, Watzke chuan an dawrna sumin a zir phawt chuan an tan hnar a harsat tur thu a sawi a ni.

Watzke chuan, "Bo­russia Dort­mund-ah kan player hi kumkhuain a cham ang tih hi keini chuan kan sawi thei lo a, mah se players ṭha kan chan chang pawha a chinfel dan kan nei vat zel hi kan chakna lai chu a ni," a ti.

"Auba hi Bayern Munich lama Robert Lewandowski kan chan hnua kan player neih ṭhat ber zinga mi a ni a, mah se a phu tawk man zata min dawr an awm chuan amah mai bakah club president Reinhard Rauball leh sporting director Michael Zorc te nen ṭhukhawma ngaihtuahna kan sen a ṭul dawn a ni," tiin Dortmund a sawi bawk.

Watzke chuan, "Keini aia club lian zawka khel tur pawhin Auba hi a ṭha tawk a, Barcelona a kal pawh a awm viau a ni," tiin Spanish champion hming a lam ri a, Aubameyang-a'n a pu club ṭan nia a sawi ṭhin Real Madrid tan hriat a nuam hauh lo ang.