Snodgrass manah Hull leh Burnley inrem

Hull City chuan Burnley-in pound maktaduai 10-a an midfielder pawimawh Robert Snodgrass lei an dilna chu an pawm a, thutlukna chu player kuta a innghah tawh thu an puang nghal bawk.

Premier League-a 19-na din­hmun luah mek Hull hian West Ham-in pound maktaduai ruka an winger lakluh an dilna hi an lo hnar tawh a, pound maktaduai 10-a Burnley dawrna erawh an hnar phal ta bik lo niin a lang.

Scotland international hian kum 2014 khan Norwich aṭangin Hull hi a zawm a, tun season-ah match 24 khela goal kua khung sakin an league match hnuhnung bera Chelsea 2-0 a an hneh loh ṭumin a inlan lo a, manager Marco Silva chuan hliam vanga inlan lo niin a lo sawi tawh.

Hull City hian an midfielder pawimawh Jake Livermore chu January transfer-ah an hralh tawh bawk a, English midfielder hian West Brom chu pound maktaduai 10 bawr velin a zawm a ni.