Premier League-a let duh Adebayor

Togo captain Emmanuel Ade­bayor chuan Premier League club zinga amah duhtu an la awm thu a sawi a, England-a let leh a hreh loh thu tel a sawi tel bawk.

Kum 32-a upa Adebayor hi season liam ta khan Crystal Palace-in an chhuah zalen a, hemi hnu hian club nei lo mah se Africa Cup of Nations-ah Togo captain a niin group stage-ah table mawngphahah an awm.

Togo captain Adebayor chuan, "Min be tu tlem a zawng hi chu an awm a, England-ah player ngainat hlawh ber ni lo mah ila kei chuan Premier League hi nuam ka ti a ni," tiin England-a let leh a hreh loh thu a sawi.

Arsenal, Manchester City leh Tottenham forward hlui chuan Togo tana khel thei turin langsar loa a thawhrim thu a sawi a, ram tana khelh chawlhsan a la tum loh thu a sawi tel bawk.