Ka tana nomawi hlu bik a ni - Medvedev

Daniil Medvedev chuan ATP Finals nomawi a chawi chu atana hlu bik a nih thu a sawi a, a hlawhtlinna chan hian season thar atan inrin-tawkna a pek tel ngei a beisei.

Kar hmasa khan O2 Arena, London khaw-puiah ATP Finals khelh niin a thiam pariat inel zingah Medvedev a chungnung ber - nomawi a chawina kawngah Novak Djokovic leh Rafael Nadal te a hneh hial.

Medvedev chuan, "Player ṭha ber ber hneh chunga nomawi chawi chu a hlut dan a danglam hle. Hetiang hlawhtlinna chang tur hian ka theihtawpin ka lo inbuatsaih ve tawh ṭhin, player zawng zawng duhthusam chu ka tawngbua ni berin ka hria," a ti.

Russian star hian final inkhel hmuhnawm bikah Dominic Thiem a hneh a, darkar hnih leh minute 43 chhung an khelh chu ATP Finals an khelh tawh zinga match rei ber ṭum a ni hial.