Last 16 -ah Sindhu & Srikanth

Rio Olympic silver medallist PV Sindhu chuan Syed Modi Inter­national Grand Prix Gold badminton tournament last 16 lut turin harsatna a tawk lo a, mipa singles lamah erawh Kidambi Srikanth-a'n hna hautak a paltlang thung.

Nilaini tlai Babu Bana­rasi Das Indoor Stadium-a inkhelah Indian shuttler Sindhu hian 21-9, 21-11 in Anura Prabhudesai a hneh. China Open Super Series title kawltu Sindhu hian Lalita Dahiya a hmachhawn leh ang.

Mipa singles-ah cham­pion lai Srikanth chuan Lakhanee Sarang 15-21, 21-7, 21-14 in a hneh hram a, last 16-ah Pratul Joshi hnehtu Ansal Yadav a hma­chhawn ve leh dawn a ni.

Indian shuttler dang zingah H S Prannoy, Ver­ma Sourabh, Sameer, B Sai Praneeth leh Har­sheel Dhani te chuan pre quarterfinal hi an lut ve bawk. Syed Modi Inter­national-ah hian world number 1 hlui Saina Nehwal erawh chawlh hahdam a duh avangin inelna neih ṭan hmain a inhnudawk thung.