Bengaluru mikhual tur Churchill

East Bengal hneh lo hlim Bengaluru FC chuan zanin dar 7:05-ah Chur­chill Brothers an lenchilh dawn a, Albert Roca naute tan insiamṭhatna rem­chang a ni dawn.

Bangalore club hian an league match hmasa pathum an khelmualah khelin hnehna an chang vek a, khualmuala an zin chhuah hmasak berah an elpui East Bengal an ngam lo nghal.

Churchill Borthers-in I League an lo kir lehna season-ah beisei an la phak lo a, match li an khelh tawhah point khat chiah la hmuin an point hlawh chhuahna erawh an match hnuhnung bera DSK Shivajians an lenchilhnaah a ni a, Bangalore club tan zuamsual theih an ni - Goan club tan league match lia goal nga khung tawhtu CK Vineeth chu ven uluk a ngai khawp ang.

Zanin Inkhel Tur
Churchill Brothers 07:05 PM Bengaluru FC
January 28, Inrinni
Shillong Lajong 04:35 Mumbai FC
Chennai City 07:05 Aizawl FC