Mizoram hmaah Assam Rifles
31st Captain NM Gupta Trophy Football Tournament-ah Mizoramin match hnih khel tawhin an chak ve ve a, vawiin tlai dar 4:00-a Assam Rifles, Shillong an hneh chuan semifinal an lut ang.
Satindra Mohan Dev Stadium, Silchar-a inelna NM Gupta Football hi India ram pum huap pawha inelna lar ṭhin niin tun ṭumah pawh hian champion team-in cheng nuai nga an la dawn a, pahnihnain nuai hnih an dawng ang. Semifinal lut pha chinin Rs 50,000 an dawng dawn a, Mizoram hi a sang pali zingah an tel ngei a rinawm.
Hetihlai hian Assam Rifles, Shillong hi team ṭha an ni a, hman ni lawka MPL hmahruaitu nilai Bethlehem Vengthlang Lammuala rawn hnehtu kha an ni.
Mizoram manager Peter Lalzawm-liana chuan, "Team kan inlungrual a, kan thawhhona a ṭha a, a nuam kan ti hle. Inkhel turin kan inpeih tawh a, kan khingpui tur Assam Rilfes hi kan hneh theih ngei pawh ka ring," a ti.
Assam Rifles hian an match hmasa berah ARC, Shillong draw mah se an vawi hnih inlannaah khawtual club Arunachal SS an hneh lo. Hei vang hian Assam Rifles hian Mizoram an hmachhawn hunah defensive game an khelh a thiang tawh lo.
Mizoram coach Lalsangzuala Hmar tana thu lawmawm lo awm chhun chu forward Lalrammawia'n yellow card vawi hnih a hmuh tawh a, vawiinah a khel thei dawn lo a, player dang erawh an dam kim. Nimin khan Mizoram team hian Silchar Mizote Republic Day lawmna an telpui.
Mizoram manager Mazawma chuan, "Silchar Mizote hian min ṭawiawm ṭha em em a, ARC kan hneh ṭum khan banner leh khuang nen YMA president hoin an rawn thawk chhuak a, an chungah kan lawm hle. Assam Rifles kan hmachhawn hunah pawh hian min rawn ṭawiawm ṭhat leh ngei ka beisei," tiin Silchar-a Mizo awmte nen an thawhhona a ṭhat thu a sawi.
Inelna Thlirna Tawi
Group B
Results
ARC, Shillong 0 - 0 Assam Rifles Shillong
Mizoram 4 - 0 ASC, Bangalore
MIZ : Lalbiakhlua 33', 85'; Lalrammuanpuia 58'; Lalfakzuala 68'
Arunachal SS 1-0 Assam Rifles, Shillong
Mizoram 1 - 0 ARC, Shillong
MIZ : Lalbiakhlua 85'
Arunachal SS 2 - 1 ASC, Bangalore
Fixtures
Vawiin Inkhel Tur
4:00 PM Mizoram Vs Assam Rifles, Shillong
January 28, Inrinni
1:30 PM Arunachal SS Vs ARC, Shillong
January 29, Pathianni
2:30 PM ASC, Bangalore Vs Assam Rifles, Shillong
January 30, Thawhṭanni
1:30 PM Mizoram Vs Arunachal SS
January 31, Thawhlehni
2:30 PM ARC, Shillong Vs ASC, Bangalore
Team Dinhmun
# Team Pld W D L GF GA GD Pts
1 Arunachal SS 3 2 1 0 3 1 2 7
2 Mizoram 2 2 0 0 5 0 5 6
3 ARC, Shillong 2 0 1 1 0 1 -1 1
4 Assam Rifles, Shillong 2 0 1 1 0 1 -1 1
5 ASC, Bangalore 2 0 0 2 1 6 -5 0
Group a
BSF 2 - 4 Army Green
ASEB, Guwahati 1 - 0 TRAU, Manipur
TRAU, Manipur 2 - 0 BSF
Vawiin Inkhel Tur
1:00 PM BSF Vs ASEB, Guwahati
January 28, Inrinni
4:00 PM Army Green Vs TRAU, Manipur
January 30, Thawhṭanni
4:00 PM Army Green Vs ASEB, Guwahati
Team Dinhmun
# Team Pld W D L GF GA GD Pts
1 Army Green 1 1 0 0 4 2 2 3
2 TRAU, Manipur 2 1 0 1 2 1 1 3
3 ASEB, Guwahati 1 1 0 0 1 0 1 3
4 BSF 2 0 0 2 2 6 -4 0