Bucks an kang sang hret

Milwaukee Bucks leh Boston Celtics te an inkhel tawk takzet a, tu zawkin nge Eastern Conference final lut zawk ang tih hriatthiam a harsa. Nimin zing inkhelah Bucks hian 110-107 in hnehna an chang, tlang turin an dinhmun a ṭha ta.

Best of seven series-ah Bucks hian 3-2 in hma an hruai, game 6 an khelhna tur hi an khelmual a nih bawk avangin Giannis Antetokounmpo leh a ṭhiante tan kawng a awlsam hret tura ngaih a ni, chutih rualin Celtics hi awlsam taka nuai liam chi an ni dawn lo.

Game 5 inkhelah Ante-tokounmpo chuan point 40 a nei a, hun tawp hma minute 10 la awmah Bucks hi 93-79 in hniam zawk mah se, quarter hnuhnung ber bikah 33-21 a sang zawkin a tawpah an chungnung.

Western Conference lamah Memphis Grizzlies an la tlawm duh bik lo. Grizzlies hi chak lo se chuan an zin kawng tawp tur an ni, mahse nimin zing khan Golden State Warriors 134-95 in an hneh a, conference final beiseina an la nei zel.

Inrinni zingah game 6 an khel dawn. An intawn lehna tur hi Chase Center, San Francisco a ni a, Golden State khelmual a nih avangin Grizzlies tan hnehna chan a harsa mai thei, thil theih loh erawh a ni bik lo.

NBA Playoff
Eastern Conference Semifinal
Game 1: Milwaukee Bucks 101 - 89 Boston Celtics
Game 2: Boston Celtics 109 - 86 Milwaukee Bucks
Game 3: Milwaukee Bucks 103 - 101 Boston Celtics
Game 4: Milwaukee Bucks 108 - 116 Boston Celtics
Game 5: Boston Celtics 107 - 110 Milwaukee Bucks
May 14, Inrinni
Game 6: Milwaukee Bucks 05:00 AM Boston Celtics
(Bucks hian series-ah 3-2 in hma an hruai mek)

Western Conference Semifinal
Game 1: Golden State Warriors 117 - 116 Memphis Grizzlies
Game 2: Memphis Grizzlies 106 - 101 Golden State Warriors
Game 3: Golden State Warriors 142 - 112 Memphis Grizzlies
Game 4: Golden State Warriors 101 - 98 Memphis Grizzlies
Game 5: Memphis Grizzlies 134 - 95 Golden State Warriors
May 14, Inrinni
Game 6: Golden State Warriors 07:30 AM Memphis Grizzlies
(Warriors hian series-ah 3-2 in hma an hruai mek)