Durtlang North lakah Hunthar chak ta

Hunthar chuan Zothan Auto-works Pro Volleyball League-ah sulhnu thar an hnutchhiah. Tualchhung volleyball inelna sang bera a vawi khat nan Durtlang North an hneh, inkhel hmuhnawm takah 3-0 (25-14, 29-27, 25-17) in hnehna an chang.

PVL-ah tun hmain Hunthar hian Durtlang North hi vawi thum an hmachhawn tawh, an intawn tawhna hi league round vek niin an la hneh ngai lo. Tun ṭumah erawh set hloh miah loin hnehna an chang thei.

Nilaini zan R. Dengṭhuama Indoor Stadium, Mualpuia inkhelah Lalramnunfela'n vawi hnih champion tawh Hunthar tan point 12 a thawk chhuak a, a tihsual vangin a khingpui lam point khat chiah a pe - D3 Business Player of the Night atan an thlang.

May 11, Nilaini
Mipa
Hunthar 3 - 0 Durtlang North
(25-14, 29-27, 25-17)
D3 Business Player of the Night: Lalramnunfela, Hunthar

Hmeichhia
May 13, Zirtawpni
Kanan 03:00 PM Bethlehem VT
Durtlang 08:00 PM Bungkawn