Mizo Taekwondo khel thiam feh chhuak

National Taekwondo Championship vawi 13-na chu May 13-16 chhung hian Ujjain, Madhya Pradesh-ah khelh a ni dawn. Inelna hmachhawn tur hian Mizoram Amateur Taekwondo Association (MATA) chuan player a tir chhuak.

All India Tournament-ah hian age category hrang hrang - kum 12-14 in kar (cadet), kum 15-17 in kar (junior) leh kum 18 chhunglam inelna (senior) ah Mizo naupang 12 an inlan dawn a, mi pakua ten kyorugi (fight) an khel ang a, mi pathum ten poomsae (form) an khel ang.

Mizo rawlthar rualte hi coach Lalinpuia, Armed Veng South (TABF) leh Albert Lalnunfela, Serchhip (Exodus TC) ten hruaiin; MATA chuan Mizo ten India ram pum huap in elnaah result tha tak neih an beisei.