Naupang tlan chak zawnna

Gail Indian Speedstar 2016-17 kalpui mek chu Mizoram Athletics Association huathawtin nimin khan India hmar­chhaka a vawi khat nan Rajiv Gandhi Stadium, Mualpuiah neih a ni.

National Yuva Co-Operative Society Ltd. bul tuma naupang theihna nei ṭha bik zawnnaah hian naupang kum 14 leh 17 hnuailam ten metre 100, 200 leh 400 intlansiakah inelna an nei a, naupang thlanchhuah te chuan February 2 hian North East level intihsiakna an hmachhawn leh ang.

North East aiawh thei tura thlante chu India aiawh tur thlanna New Delhi-ah an inlan leh ang a, trial pathum paltlang theite chu Oil Company GAIL in Olympic 2020 leh 2024 a an inlan theih nan kum li chhung a thlawnin an enkawl dawn.