Reds youth coach Gerrard a zam

Liverpool youth team coach thar Steven Gerrard chuan, a hna thar avanga a phur rualin a huphurh leh zam thu a sawi.

Liverpool captain hlui chuan, "Ka phur takzet a, chumi rual chuan ka tan chuan hnathar a nih avangin ka zam em em bawk a ni. Liverpool hi min pui turin an inhuam em em a, manager ṭha tak ka nih theihna tura min puih hi an duh a ni," tiin a club hlui chu a fak.

Gerrard hian LA Galaxy a chhuahsan tur thu a sawi khan League One club MK Dons chuan an manager turin an sawm nghal a, mah se Captain Fantastic tia hming­lem an pek ṭhin hian manager puitling ni nghal tur chuan a tan a la hma mah mah nia ngaiin he sawmna hi a hnar.

England captain hlui chuan, "Manager puitling ka nih hun tur chu ka sawi thei lo a, ka inpeih at hmaa hmanhmawh erawh ka duh lo. Nakinah ka hmaah chona thar phurawm tak tak chu a la awm ang," a ti.

Liverpool-in EFL semi­final-ah Sou­thamp­ton hneh loin Wembley an pan thei lo a, Gerrard chuan, "Han chiai hluaina tur a awm lo a, kan tawlhthlu ve zeuh a ni mai. Tho leh turin theihna leh thiamna kan nei a," a ti.

Reds hian zanin dar 6:00-ah FA Cup fourth round khel turin Championship club Wolverhampton Wanderers an mikhual ang.