Record nihrualtu Rodgers a lawm

Celtic chuan Nilaini zan khan St Johnstone chu Scottish Pre­miership-ah 1-0 in an hneh a, tualchhung football-ah match 26 chhung tlawm hmel hmu tawh loin Scottish football-a an club record lo siam tawh tho chu an nihrual.

Kum 1967-a Lisbon, Portugal bula Euorpean Cup an chawi vanga Lisbon Lions tia hmelhriat hlawh a hunlaia Celtic team chuan match 26 chhung tualchhung football-a tlawm hmel hmu lo record hi an lo siam tawh a, Brendan Rodgers-a naute tan record thar siam turin an dinhmun a ṭha hle.

Liverpool boss hlui Rodgers chuan, "Tuna kan tih tur chu theih­tawp chhuah chhunzawm zel a, record thar a sang thei ang ber siam tura beih hi a ni," a ti a, Celtic hi league table-ah hmahruaipui mekin anmahni hnaih bertu Rangers aia an sanna chu point 22 lai a ni tawh.