Australia chak chiang

Ningani khan Australia leh Pakistan chuan ODI series match nga an khelha match hnuhnung ber an khel a, Australia hian run 57-a hnehna changin series hi 4-1 in an la. Adelaide khawpuia inkhelah mualneitu team hian over 50-ah run 369 siamin wicket sarih chiah an hloh a, Pakistan tan target an tuk sang hle.

Australia tan David Warner leh Travis Head te chuan run 284 siamin ODI partnership-a run siam hnem pahnihna an ni a, kum 2006-a Sri Lanka batsman Sanath Jayasuriya (152)leh Upal Tharanga (109) ten run 286 an lo siam tawh chu an phak loh awmchhun a ni. Aussie tan Warner hian ball 128 a hmachhawnah run 179 tehmeuh a vaw chhuak a, ball 137 a run 128 siamtu Head fak hmaih a thiang bik lo.

Pakistan hi an tlawm mai dawn emaw tih hnuah an ṭang thei fu a, run 79 siamtu Sharjeel Khan leh century vaw chhuaktu

Babar Azam te chet ṭhat chhawr ṭangkaiin Australia bowler te chhaih mangang hman viau mah se over 49.1-ah wicket hloh vekin run 312 an tlin thei hram a ni.