Sindhu-i'n quarterfinal lut

Sindhu-i'n quarterfinal lutBadminton inelna liante zinga pakhat Syed Modi Grand Prix Gold khelh mekah PV Sindhu leh Kidambi Srikanth ten quarterfinal an lut a, inkhel dangah H S Prannoy erawh a chak lo thung.

Ningani tlai inkhelah Rio Olympic silver medallist Sindhu hian minute 20 chhung lekin Lalita Dahiya chu 21-7, 21-12 in a sawp a, quar­terfinal-ah Vaidehi Chou­dhari a hmachhawn leh ang.

Mipa singles last 16 inkhelah Srikanth chuan minute 38 chhungin Ansal Yadav chu 21-15, 21-16 in a hneh a, a match lehpekah seeded pasarihna Malaysian tlangval Zulfadli Zulkiffli nen an inkhel leh thung dawn a ni.

Indian shuttler pa­hnihin hnehna an chan lai hian Prannoy erawh seeded 15-na Harsheel lakah 18-21, 18-21 in a chak lo thung.