Mirza ten final lut

Seeded pahnihna Sania Mirza leh Ivan Dodig te ṭangdun chuan nimin khan Australian Open mixed doubles final an lut. Indo-Croatian pair hian darkar khat leh minute 18 chhungin Samantha Stosur leh Sam Groth te ṭangdun chu 6-4, 2-6, 10-5 in an hneh.

India nula Mirza hian Grand Slam inelna bikah mixed doubles title pathum a la tawh a, a hnuhnung ber chu Bruno Soares nena ṭangdun chunga 2014 US Open no­mawi an chawi kha a ni.

Indian tennis legend Leander Paes leh Martina Hingis te erawh Ningani tlai khan Sam Groth leh Samantha Stosur te ṭangdun lakah minute 55 chhungin 3-6, 2-6 in an tlawm thung.