A vawi khat nan Frampton a tlawm

Carl Frampton chu a boxing career-a a vawi khat nan a tlawm a, WBA featherweight title kawltu Leo Santa Cruz a ngam lo. MGM Grand Garden Arena, Las Vegas-a inhnekah hian judge pakhat chuan boxer pahnih hi point in ang a pe a, judge pahnihin Santa Cruz hi 115-113 a chak zawkah an puang thung a ni.

Vawi 24 inhnek a hmachhawna a vawi khat nana tlawm Frampton chuan, "Leo khan chak a phu zawk a, ka thiam loh a ni. Min ṭan tura khawvel hmun hrang hrang aṭanga lokalte hnenah thupha ka chawi duh a ni. Mahse, Santa Cruz nen hian inhnek leh ngei ka duh a, kan tih leh ngei pawh ka beisei," a ti a, Mexican boxer Santa Cruz pawhin a vawi thum nan Irish boxer hi hmachhawn a hreh loh thu a sawi - vawi hnih inhmachhawn tawhah vawi khat ve ve an chak.