Vawiin aṭangin Siaha-ah Inter District Football C'ship

Inter District Junior Football Championships vawi 11-na chu vawiin aṭang­in Siaha-ah khelh ṭan a ni dawn. Mizoram Foot­ball Association hnuaia inelnaah hian District FA pariat an tel vek ang a, Siaha DFA-in a thleng ang.

Kum bithliah inelna a nih angin January 1, 2001 leh a hnu lama piangten inelna an hmachhawn ang a, MFA chuan he inelnaa player ṭhate hi chhinchhiahin nakin zela Mizoram aiawha khel tur thlanna pakhatah a hmang nghal dawn a ni.

Group A-ah champion lai Kolasib bakah Lawng­tlai, Champhai leh a thlengtu Siaha District an awm a; Group B lamah Serchhip, Aizawl, Lunglei leh Mamit District-te an awm. Group khat aṭangin a sang pahnihin semifinal an lut ang a, knockout stage hi February 8, Ni­lainiah neih tur niin final hi February 10, Zirtawpniah neih a ni ang.

Fixtures
Group A
January 31, Thawhlehni
12:30 PM Siaha vs Kolasib
02:30 PM Lawngtlai vs Champhai
February 2, Ningani
12:30 PM Kolasib vs Champhai
02:30 PM Lawngtlai vs Siaha
February 4, Inrinni
12:30 PM Champhai vs Siaha
02:30 PM Kolasib vs Lawngtlai
Group B
February 1, Nilaini
12:30 PM Mamit vs Serchhip
02:30 PM Aizawl vs Lunglei
February 3, Zirtawpni
12:30 PM Serchhip vs Lunglei
02:30 PM Aizawl vs Mamit
February 6, Thawhṭanni
12:30 PM Lunglei vs Mamit
02:30 PM Serchhip vs Aizawl