Marseille-ah Dimitri Payet a kir

West Ham midfielder Dimitri Payet chuan Ham­mers tan khelh a duh tawh loh thu a sawi hnuah France-ah a kir leh ta nge nge a, a club hlui Marseille chu pound maktaduai 25-a zawmin kum li leh a chanve chhung atan contract a ziak.

Kum 29-a upa Payet hian a club hlui zawm tur hian Hammers-a kar khata a hlawh zat nia tarlan £125,000 chu ti hniamin Ligue 1 club-ah hian £100,000 a hlawh dawn a, France-a kir a duh chhan hi a nupui fanau ten England nuam an tih loh vang nia tarlan a ni.

Hammers chuan June 2015-a Marseille aṭanga pound maktaduai 10 a an lei, February 2016-a kum nga leh a chanve dang cham tura contract thar an ziahpui Payet hi sawisel nghalin, "West Ham chuan Payet-a chunga zahna leh inpekna kan lantir ang kan hmu let lo hi a na kan ti a, kan player ṭha ber hralh tur hian sum mamawh lo mah ila manager duhdan leh squad inpumkhat zawk nan kan hralh a ṭul si," an ti.

West Ham hian Hull City midfielder Robert Snod­grass chu pound maktaduai 10.2-in kum thum leh a chanve chhung atan an lalut tawh a, Southampton defender Jose Fonte chu pound maktaduai riatin an lalut bawk.