Monaco an vul zel

Arab sum hmanga siam len Paris St-Germain-in French Ligue 1 khelh mekah tluk teih rih loh an nei a, chu chu match 22 khelha point 49 hmua hmahruaitu AS Monaco an ni.

Pathianni zan khan Ligue 1 hmahruaitu Mona­co hian PSG an lenchilh a, champion lai tan Edinson Cavani chuan minute 81-naah Julian Draxler hlawhchhuah penalty aṭanga a goal khung chu Monaco tan Bernardo Silva chuan hun tawp hma chiahin a sut.

Unai Emery enkawl PSG hian point 46 chauh an la neih avangin league table-ah pathumna an ni a, inkhel dangah table-a pahnihna Nice chuan Guingamp 3-1 a an lo hneh ve bawk avangin an chunga awm pahnih hi point thumin an phak lo.