76ers hnehin Miami an tlang

Miami Heat chuan Eastern Conference Finals an khel dawn. Nimin zing conference semifinal game 6 inkhelah Miami hian Philadelphia 76ers chu 99-90 in an hneh a, best of seven series chu 4-2 in an la.

Heat an chak theih nan Jimmy Butler-a'n point 32 a nei a, point 20 a neih bakah rebound vawi 11 latu Max Strus a langsar bawk. Semifinal lehlama intum Milwaukee Bucks leh Boston Celtics inkhela chak zawk an hmachhawn leh ang.

NBA champion lai Bucks hian series-ah 3-2 in hma an hruai mek, tukin khan game 6 an khel. Bucks an chak leh a nih chuan an tlang dawn, Celtics an chak a nih chuan game 7 an khel ve leh thung dawn a ni.

Miami chakpuitu Butler chuan, "Eng team mah kan hlau bik lo, inelna boruak sang hmachhawn tur hian kum tluanin kan inbuatsaih a ni," tiin conference finals chauh ni loin NBA Finals thlenga an beisei thu a sawi.

Nimin zing Western Conference semifinal inkhelah Dallas Mavericks chuan Phoenix Suns 113-86 in an hneh a, series-ah team pahnih 3-3 in an inhnehtawk chiah. Pathianni zingah a chinfel nan game 7 an khel ang.

NBA Playoff
Western Conference Semifinal
Game 1: Phoenix Suns 121 - 114 Dallas Mavericks
Game 2: Phoenix Suns 129 - 109 Dallas Mavericks
Game 3: Dallas Mavericks 103 - 94 Phoenix Suns
Game 4: Dallas Mavericks 111 - 101 Phoenix Suns
Game 5: Phoenix Suns 110 - 80 Dallas Mavericks
Game 6: Dallas Mavericks 113 - 83 Phoenix Suns
May 15, Pathianni
Game 7: Phoenix Suns vs Dallas Mavericks
(Series-ah 3-3 in an inhnehtawk mek)

Eastern Conference Semifinal
Game 1: Miami Heat 106 - 92 Philadelphia 76ers
Game 2: Miami Heat 119 - 103 Philadelphia 76ers
Game 3: Philadelphia 76ers 99 - 79 Miami Heat
Game 4: Philadelphia 76ers 116 - 108 Miami Heat
Game 5: Miami Heat 120 - 85 Philadelphia 76ers
Game 6: Philadelphia 76ers 90 - 99 Miami Heat
(Miami hian 4-2 in series an la)
Note: Inelna hi best of seven series hmanga khelh a ni, tlang turin vawi li chak a ngai.