Season tawpah Suzuki an chhuak dawn

MotoGP team zinga mi Suzuki chuan nimin khan thuchhuah an siam a, thuthang leng vel lo awm tawh chu an nemnghet - tun season tawp rualin bike intlansiakna sang ber hi an chhuahsan ang.

Suzuki chuan thu chhuah siamin, "MotoGP promoter Dorna nen kan inbia a, tun season a tawp hunah chuan puanthuah kan tel ang. Vanduai thlak takin sum leh pai dinhmun siamṭhat a ngai, chu bakah kawng danga hmalak kan ngai dawn.

"Ruahman dan chuan thiamna thar hmanga bike ṭha zawk siam tum a ni, hemi ti hlawhtling tur hian mihring sum thawh chhuah lam a tam a ngai. Suzuki Ecstar Team lo thlawp ṭhin tute chungah thinlung takin lawmthu kan sawi," tiin a sawi.

Suzuki hian 2020 khan a vawi khat nan MotoGP title an la, an driver Joan Mir a champion, season hmasa khan Mir-a hian pathumna dinhmun a luah bawk. Season kal laiah an rider Alex Rins chu podium-ah vawi hnih a lawm tawh bawk.