Coutinho-a'n a nghetin Villa a zawm

Aston Villa chuan Barcelona aṭanga loan hmanga an hawh Philippe Coutinho chu a nghetin an lalut. Kum 29 mi Brazilian midfielder hian kumin January khan Villa hi a zawm a, match 16 khelin goal li a khung a, assist vawi thum a nei bawk.

Villa hian Liverpool midfielder hlui Coutinho manah hian euro maktaduai 20 (£17m) chauh an seng a, chutihrualin English club hian an hralh a nih chuan Barca-in 50% an la chang dawn. Coutinho hian kum 2026 thleng daih contract a ziak a, nasa takin a hlawh a tihniam bawk.

Villa hi Liverpool-a Countinho khelhpui ṭhin Steven Gerrard-a'n a enkawl a, Reds legend hi Villa-in Brazilian midfielder an lak theihna chhan a ni.