Haaland-a'n Dortmund a mangṭha

Erling Haaland chuan Borussia Dortmund tana a inkhelh hnuhnun berah goal a khung a, Hertha Berlin 2-1 in an hneh. Manchester City zawm tur Haaland hian minute 68-naah penalty aṭangin a khung.

Signal Iduna Park-ah inkhelh ṭan hmain Haaland-a thlahna hun an hmang a, mipuiin Norwegian striker hming an au chhuahpui. Haaland chuan, "Dortmund kawr ka ha thei hi chawimawina a ni a, hun duhawm kan tawng a, ka nuna mi pawimawh tak tak ka tawng bawk. Sawi hmaih theih loh chu mipuite an ni a, khelmuala chakna thahrui min petute an ni," tiin fan-te chungah lawmthu a sawi.

Kum 21 mi Haaland hian kar liam ta Thawhṭanni khan Belgium-ah medical a paltlang a, Manchester City-in euro maktaduai 60 (£51.2m) in an la chhuak dawn a, July thlaah Etihad Stadium a zawm ang.