Grizzlies hnehin Warriors an tlang

Golden State Warriors chuan Memphis Grizzlies hnehin NBA Western Conference final an lut. Warriors hian best of seven series chu 4-1 in an la, conference finals-ah chuan Phoenix Suns leh Dallas Mavericks inkhela chak zawk an hmachhawn ang.

Game 5-ah GSW hi chiang zetin an chak lo, Inrinni zinga game 6 inkhelah erawh Warriors hi ropui takin an tho chhuak. Klay Thompson (30 points) leh Stephen Curry (29 points) ten an thiam thil an lantir a, nuamsa takin hnehna an chang.

Season hmasa playoff-ah khan Memphis hian Golden State hi an nek chhuak, kuminah erawh GSW lamin an player pawimawh an chhawr kim thei a, nikum lama an mualpho tawhna an chhanglet thei a ni.

Eastern Conference lamah Boston Celtics leh Milwaukee Bucks an inkhel tawk takzet. Game 6-ah Celtics hian 108-95 in hnehna an chang, nizan khan game 7 an khel zui a, a chak zawk chuan conference finals an lut tlang tawh ang.

NBA Playoff
Western Conference Semifinal
Game 1: Warriors 117 - 116 Grizzlies
Game 2: Grizzlies 106 - 101 Warriors
Game 3: Warriors 142 - 112 Grizzlies
Game 4: Warriors 101 - 98 Grizzlies
Game 5: Grizzlies 134 - 95 Warriors
Game 6: Golden State Warriors 110 - 96 Grizzlies
(Warriors hian 4-2 in series an la)

Eastern Conference Semifinal
Game 1: Bucks 101 - 89 Celtics
Game 2: Celtics 109 - 86 Bucks
Game 3: Bucks 103 - 101 Celtics
Game 4: Bucks 108 - 116 Celtics
Game 5: Celtics 107 - 110 Bucks
Game 6: Bucks 95 - 108 Celtics
(Nizanah game 7 an khel a, result kan hre hman lo)