Match 1000 chak thei Djokovic

Novak Djokovic chu mipa tennis player zingah match 1000 chak tling thei pangana a ni. Serbian star hian mellung pawimawh bik phun tur hian Casper Ruud a hneh a, sulhnu ropui hnutchhiah chungin Italian Open final a in vaw kai.

Jimmy Connors, Roger Federer, Ivan Lendl leh Rafael Nadal ten match 1000 chak record hi an lo siam tawh, tunah chuan player ropui bikte huangah Novak hming nemkai a ni ve leh ta.

Rome khawpuia inkhelah, inelna buatsaihtu lam chuan 1,000 inziahna cake an buatsaihsak a, kum 2004 aṭanga professional match khel ṭantu Djokovic an lawmpui, a vawi ruk nan champion zui ngei a tum ang.

Kum 34 mi Djokovic chuan, "Roger leh Rafa ten match 1000 an chak tlinna kha ka en a, engtik niah emaw chuan ka la thleng ve ang tiin ka beisei ṭhin, tunah chuan a takin a lo thleng ve ta. Match tam zawka chak zel turin ka inbuatsaih ang," a ti.

Nizan khan Stefanos Tsitsipas leh Djokovic ten Italian Open final an khel zui a, result erawh kan hre hman lo.