French Open khel lo tur Berrettini

Matteo Berrettini chuan French Open a khel thei dawn lo. Ban na vangin a chawl mek a, tun thla chawhnu lama khelh tur clay court inelna lian atan a dam fel hman dawn lo tih hi a puang chiang tawh.

World number 8 hian hliam vangin tun hnaiah Monte Carlo Masters, Madrid leh Rome Open a khel thei lo. March thla khan a hliam zai niin, zai hlawlhtling mah se a la dam fel thei rih lo a ni.

Italian tlangval Berret-tini chuan, "Medical team lam report ngaihthlak a nuam, tunah chuan training pawh ṭha takin ka zawm leh thei tawh. Amaherawhchu, ka tan set nga khelh a la zuamawm loh, chuvangin Roland Garros-ah ka inlan thei dawn lo," tiin a sawi.

Tennis season khata Grand Slam pahnihna French Open hi May 22 aṭanga June 5 chhung hian Paris khawpuiah an khel ang.