Inter District Junior Football Championship-ah team 6 inlan

Inter District Junior Football Cham­pion­ships vawi 11-na chu nimin khan District Playground, Gaihti, Siaha-ah khelh ṭan a ni.

District pariat aṭanga tel tura bei­sei ni mah se harsatna neih vangin Lunglei DFA leh Serchhip DFA-in team an tir thei lo.

Team pahnih inhnuhdawh takah chuan Group B-ah Mamit leh Aizawl chiah an awm a, semifinal an lut chiang nghal bawk.

Vawiin hian inkhel a awm dawn lo a, Group B hmahruaitu zawnna erawh double leg a neih tur a ni. Zirtawpni hian Mamit leh Aizawl ten first leg an khel ang a, hei hi Mamit home match a ni ang. Thawhṭanniah Aizawl tana home match an khel thung ang a, chak zawk an awm lo a nih chuan away goal rule hman tur a ni.

Fixtures & Results
Group A
Nimin Inkhel Results
Siaha 5 - 1 Kolasib
SIA : Dickson 18'; Laldinpuia 67', 69'; Joseph Lalruatdika 72'; S. Beirahropha 80'
KOL : Vanlalnghaka 76'
Lawngtlai 4 - 1 Champhai
LAW : Lalrinsiama 45+1'; Rony Hmingsang­zuala 60', 66'; Hmangaihzauva 79'
CHA : Remlalfaka 33'
February 2, Ningani
12:30 PM Kolasib vs Champhai
02:30 PM Lawngtlai vs Siaha
February 4, Inrinni
12:30 PM Champhai vs Siaha
02:30 PM Kolasib vs Lawngtlai
Group B
February 3, Zirtawpni
02:00 PM Aizawl vs Mamit
February 6, Thawhṭanni
02:00 PM Mamit vs Aizawl