Pato-a'n China a pan

Alexandre Pato chuan pound maktaduai 15.5 in Chinese Super League club Tianjin Quanjian a zawm. Chelsea leh AC Milan forward hlui hi a hlawh tur zat chiang taka tarlan ni lo mah se karkhatah £100,000 chuang a hlawh dawn tih erawh ziah lan a ni thung.

Kumin aṭanga CSL khel tur Quanjian hi Italy legend Fabio Cannavaro enkawl niin player langsar dang Belgium midfielder Axel Witsel bakah Brazilian Geuvanio leh Luis Fabiano te an awm tawh bawk.

Kum 27-a upa Pato hian tun season-ah Villarreal tan beisei a phak lo a, inelna hrang hrangah match 24 a khelh aṭangin goal ruk a khung tawh.

Tun hnaiah sum hma­chhuan­in China in football khaw­vel an run mek a, Oscar leh Hulk chu Shanghai SIPG in an lakluh tawh bakah Carlos Tevez (Shanghai Shenhua) te pawh CSL khel turin an inziak lut tawh.