Vengpui khelmualah Siaha Vs Lawngtlai

Inter District Junior Football Championships vawi 11-naah inelna thlengtu Siaha-in an match hmasa berah Kolasib 5-1 in an sawp a, vawiin hian Champhai sawptu Lawngtlai an hmachhawn dawn. Inkhelh hun hi tlai dar 2:30 a ni a, inkhelhna hmun tur hi District Playground, Gaihti (Vengpui), Siaha a ni.

Vawiin chhun dar 12:30 hian Group A inkhel dangah Kolasib leh Champhai te an inhmachhawn dawn a, chak zawk tan semifinal a la beisei theih ang. Group khat aṭangin team pahnih tlang tur a ni a, match hnuhnung zawka Siaha leh Lawngtlai inkhel hi hmahruaitu inchuhna a tih theih a, ni hmasa ber result thlirin tlai lama inkhel hi group stage bika inkhel hmuhnawm ber turah a ngaih theih.

Ruahmanna hmasaah chuan nimin kha Group B inlan hun a ni a, Lunglei DFA leh Serchhip DFA-in team an tir theih loh avangin naktukah Aizawl leh Mamit ten an match hmasa ber an khel chauh ang.

Group B aṭangin semifinal lut tur a chiang tawh a, hmahruaitu zawnna hi double leg hmanga neih tur a ni.

Fixtures & Results
Group A
January 31, Thawhlehni
Siaha 5 - 1 Kolasib
SIA : Dickson 18'; Laldinpuia 67', 69';
Joseph Lalruatdika 72'; S. Beirahropha 80'
KOL : Vanlalnghaka 76'
Lawngtlai 4 - 1 Champhai
LAW : Lalrinsiama 45+1'; Rony Hmingsangazuala 60', 66'; Hmangaihzauva 79'
CHA : Remlalfaka 33'
Vawiin Inkhel Tur
12:30 PM Kolasib vs Champhai
02:30 PM Lawngtlai vs Siaha
February 4, Inrinni
12:30 PM Champhai vs Siaha
02:30 PM Kolasib vs Lawngtlai
Group B
February 3, Zirtawpni - 1st Leg
02:00 PM Aizawl vs Mamit
February 6, Thawhṭanni - 2nd Leg
02:00 PM Mamit vs Aizawl