Gorkha CC an thiam ber

Khaled Memorial Cricket Tournament second division inelna chu nimin khan khelh zawh a ni a, Gorkha CC chuan Zemabawk Picthers chu run thuma hnehin champion nomawi an chawi.

Suaka Memorial Cricket Ground, Sihhmui a inkhelah hian bat hmasa zawk Gorkha CC-in over 20-ah run 117 siamin wicket nga chiah an hloh a, Sagar Sunar (27 runs) chuan bul a ṭan ṭhat bakah Vishnu Bhandari chuan run 32 vaw chhuakin a thawh hlawk hle bawk.

Zemabawk Pitchers lamin target sang tak an um tih hriain run 45 siamtu Zomuansanga che ṭha viau mah se a ṭhianten an thlawp ṭha tawk lo a, over 19.2-ah an vaia out vekin run thumin an chak zo lo.