Corinthians hnartu Drogba

Club khelhna tur nei loa awm mek, Didier Drog­ba chuan Corin­thians-in an club zawm tura an sawmna a hnar thu a sawi chhuak.

Kum 38-a up Drogba hian MLS club Mon­treal Impact a chhuah­san hnuah free agent a ni a, Brazilian club hian kum khat daih contract an zawrh nia sawi a ni.

Chelsea striker hlui chuan, "Corinthians-in min duh tih ka hria a, fan-te pawhin an hnehna kal ngei tura min duh thu an sawi. Mahse, ka hma hun ngun taka ka ngaihtuah a ṭul a, an hnena kal hi ka tan chuan a fuh rih lo a ni," tiin a sawi.

African Footballer of the Year atana vawi hnih thlan tawh Drogba hian Chelsea chu Premier League nomawi pali bak­ah Champions League no­mawi pakhat a chawi pui tawh.