Jojo-a'n Khelo India khel dawn

Khelo India Youth Games 2022 khel turin Mizo badminton player Joseph VL Ringngheta chu a tling a, Kulikawn rawlthar hian he inelna hmachhawn tur hian selection trial paltlangin main draw a invawkai a ni.

Pullela Gopichand Academy, Hyderabad-a inzir mek Jojo hian Guwahati-ah selection trial hi a hmachhawn a, Khelo India khel tur player 27 thlanchhuah zingah a tel phak. Mizoram Badminton Association chuan, "Jojo hi kan duhsakna sang ber kan hlan a ni," tiin thuchhuah an siam.

Panchkula, Haryana-ah Khelo India Youth Games hi khelh tur a ni a, badminton inelna bik hi June 4-7 inkarah neih tur a ni ang.