India-in Cambodia hmachhawn dawn

All India Football Federation chuan AFC Asian Cup Qualifiers 2019 khel tur inpuahchah nan India senior team chuan Cambodia an khelhpui tur thu an sawi a, March 22 khian Phnom Penh khawpuiah an inkhel ang.

AIFF general secretary Kushal Das chuan, "Cambonia nena international friendly match kan khel thei tur hi kan lawm hle a, AFC Asian Cup Qualifiers khel tura kan inbuatsaihna kawngah nasa takin min pui dawn a ni," a ti a, Cambodia hi FIFA ranking-ah 172-na an ni mek.

FIFA ranking-a 129-na ni mek India hian March 28, 2017 khian AFC Asian Cup Qualifiers match hmasa ber chu Myanmar khawpui pakhat Yangon-ah Mynamar nen an khel dawn a, team pahnih inhmachhawn hnuhnung berah Myanmar hian 1-0 in AFC Chal­lenge Cup-ah India hi an hneh a ni.

India coach Stephen Constantine chuan, "AIFF-in Cambodia nena friendly match khelhna hun ṭha tak min siamsak hi ka lawm takzet a, Cambodia inkhelhpui kan duh chhan hi Myanmar nena boruak in ang tak ram nen kan lo inzir lawk nana inkhelh ka duh vang a ni. Yangon kan pan hmain hun engemaw chen Cambodia-ah hian training kan nei ang," tiin an inbuatsaih ngawrh thu a sawi.