MSL4 Qualifier zan hnihna
Mizoram Super League Season 4 khel tur zawnna chu zaninah chhunzawm a ni dawn. MBBA hnuaia Division I finalist Dawrpui Vengthar SC leh Champhai champion Minikins te zanin dar 7:00-ah Hawla Indoor Stadium-ah an inhmachhawn ang.
Nizan khan MPL4 Qualifier match hmasa berah Minikins hian Division I champion Republic VR4 an hmachhawn a, result kan hre hman lo. Champhai club adviser Mapuia Ralte chuan Dawrpui Vengthar hi an hneh ngei a rin thu Vanglaini palai a hrilh a, zaninah engkim a chiang ang.
Dawrpui Vengthar hian Division I final-a Republic VR4 an hneh loh ṭumin squad an neih chhah ṭhat tawk loh an tuar a, Champhai an hmachhawn hunah chuan captain Lalhumhima ṭha zawka a khelh a ṭul dawn. Khatla TBL aṭanga loan hmanga an hawh Akima'n Zotlang tlangval Lalrinchhana a thlawp ṭhat a ṭul bawk dawn a ni.