Arsenal buaina chu an rilru - Thierry Henry

Thierry Henry chuan Arsenal buaina chu player te theihna san zawng ni loin an rilru put hmang a nih zawk thu a sawi chhuak a, manager Arsene Wenger chu chhuak se an ṭhatpuina chhan tur awma a hriat loh thu a sawi tel bawk.

Arsenal hian Premier League nomawi la beisei ve mah se hmahruaitu Chelsea an phak lohna chu point 12 zet a ni tawh a, an match hnuhnung ber­ah Blues hi 3-1 in an hneh lo. Gunners manager Wenger contract hi tun season tawp rualin a tawp tawh dawn a, pawh sei tuma hmalakna a la awm rih lo.

Gunners tana goal khung hnem ber Henry chuan, "Player kan en chuan Arsenal hi league champion an nih theih loh chhan tur a awm lo. Hmahruaitu Chelsea player te kan en chuan club lian panga vel hi a chung bera awm thei vek an ni," a ti.

North London club harsatna nia a hriat sawi zuiin, "Wenger hi a chhuah a ṭulna ka hre lo. A ruahmanna leh duhdan a thlak vak a ngai pawhin ka hre lo a, tun hnaia ka hmuh zawk chu a naute rilru puthmang siamṭhat a ngai tih hi a ni. Leicester City an champion thei a nih chuan Arsenal buaina hi an player te theihna san zawngah ni loin an rilru puthmangah a ni zawk," tiin a sawi.