Yannis lakluh tum Hull hlawhchham

Hull City chuan French forward Yannis Sali­bur chu Ligue 1 club Guingamp aṭangin pound maktaduai 9-a lakluh remti mah se transfer tawp ni hmaa lehkha pawi­mawh an tih fel hman loh avangin an lalut hman lo.

Marco Silva hnuaia harhtharna chang mek Hull hian lehkha pawi­mawh an tihfel hman loh chungchangah FIFA hnen­ah hriatthiamna dil mah se khawvel football a thuneitu sang ber hian Tigers (Hull sawina) dil­na hi an pawm sak lo a ni.

Hull hian Yannis transfer chungchangah an beisei hmu lo mah se January transfer-ah Poland winger Kamil Grosicki chu a nghetin an lalut tho a, Inter Milan defender Andrea Rano­cchia leh Villarreal midfielder Alfred N'Diaye te chu loan-in an lalut bawk.