Pakistan captain a bang

Azhar Ali chuan a captain-na hnuaia Pakis­tan-in one-day interna­tional series-a Australia 4-1 a an hneh lo chu a thiam loh nia ngaiin ODI captaina nihna aṭangin banna a thehlut. Kum 31-a upa Azhar hian 2015 World Cup zawh khan Pakistan ODI captain hna hi a chelh ṭan a, a kaih­hruaina hnuaiah vawi 12 hnehna changin vawi 18 a tlawm zawkah an ṭang a ni.

Pakistan hian an ODI captain thar tur pawh an puang nghal a, wic­ketkeeper-batsman Sar­fraz Ahmed chu ODI captain a ni tawh ang. Kum 29-a upa batsman hian Twenty20-ah ram captain hna chu a chelhsa a ni. Pakistan hian an test team tan pawh captain hran tho an nei a, kum 43-a upa veteran batsman Misbah-ul-Haq chuan test team hi a kaihruai thung.