UEFA-in team 16 nih an dil dawn

Kum 2026 World Cup aṭangin ram 48 an inlan tawh dawn a, Europe-a football thuneitu sang UEFA chuan team 16 neih an dil dawn. World Cup hnuhnung ber Brazil-ah khan Europe aṭangin ram 13 an inlan a, final-ah Germany chuan Argentina hnehin an champion.

UEFA president Aleksan­der Ceferin chuan an thil dil tur chu a pawimawh thu leh tihtakzet a an ngen tur thu a sawi a, European team tam zawkin khawvela ram leh ram football hmanga inelna ngaih­hlut ber an hmachhawn theihna tura tih a nih thu a sawi tel bawk.

Kumin Janury thla khan FIFA chuan World Cup-a ram inlan tur tihpun tur thu hi vote hmangin thu an lo ti tlu tawh a, khawmualpui hrang hrang aṭanga ram inlan thei tur zat hi May thlaah chuan an tih fel hman beisei a ni.

FIFA president Gianni Infan­tino chuan World Cup chu tun hma zawng aia huap zo zawk a ni tur a ni tiin a lo sawi tawh a, "Europe leh South America chauh ni loin khawvel pum huap a ni tur a ni," a lo ti tawh.

Infantino hian thil chiang tak pakhat kan sawi lawk theih chu, "Khaw­mualpui hrang hrang hian tun hma zawng aiin team an thawh hnem thei tawh dawn tih hi a ni," a ti.